કોલસાના ભાવમાં વધારો કરવા માટે “મજબૂત આધાર” છે અને “ટૂંક સમયમાં” આ વધારો થઈ શકે
અગ્રવાલે એમ પણ કહ્યું કે તેમને વિશ્વાસ છે કે માઇનિંગ જાયન્ટ 2025-26 સુધીમાં તેનું એક અબજ ટન ઉત્પાદન લક્ષ્ય હાંસલ કરશે
કોલ ઈન્ડિયાના ચેરમેન પ્રમોદ અગ્રવાલે સોમવારે જણાવ્યું હતું કે કોલસાના ભાવમાં વધારો કરવા માટે “મજબૂત આધાર” છે અને “ટૂંક સમયમાં” આ વધારો થઈ શકે છે. આ અંગે હિતધારકો સાથે ચર્ચા ચાલી રહી છે. અગ્રવાલે એમ પણ કહ્યું કે તેમને વિશ્વાસ છે કે માઇનિંગ જાયન્ટ 2025-26 સુધીમાં તેનું એક અબજ ટન ઉત્પાદન લક્ષ્ય હાંસલ કરશે. કોલસાના ભાવમાં વધારો કરવાનો એક મજબૂત આધાર છે કારણ કે છેલ્લા પાંચ વર્ષમાં આવું કરાયું નથી. આ વર્ષે વેતન અંગે પણ વાટાઘાટો થઈ છે, જેની અસર CILના નાણાકીય સ્થિતિ પર પડશે, ખાસ કરીને કેટલીક પેટાકંપનીઓમાં જ્યાં માનવશક્તિનો ખર્ચ ઘણો વધારે છે.
આ અંગે હિતધારકો સાથે ચર્ચા થઈ રહી છે
કોલ ઈન્ડિયાના વડાએ કહ્યું કે જો કોલસાના ભાવ વધારવામાં નહીં આવે તો ઘણી સમસ્યાઓ થશે. આ અંગે હિતધારકો સાથે ચર્ચા ચાલી રહી છે. ટૂંક સમયમાં આ અંગે નિર્ણય લેવાઈ શકે છે. અગ્રવાલે કોલકાતામાં એમજંક્શન વતી આયોજિત ભારતીય કોલસા બજાર સંમેલન દરમિયાન આ વાત કહી હતી. એક બિલિયન ટન ઉત્પાદન લક્ષ્યાંક અંગે વિસ્તૃત માહિતી આપતા તેમણે કહ્યું કે કોલ ઈન્ડિયા 2025-26 સુધીમાં તેને હાંસલ કરવા માટેના ટ્રેક પર જ છે પણ તે દેશની જરૂરિયાત અને ખાનગી ક્ષેત્રની વૃદ્ધિ જેવા પરિબળો પર નિર્ભર રહેશે. કોલ ઈન્ડિયાના વડાએ જણાવ્યું હતું કે કંપનીનું લક્ષ્ય 2030 સુધીમાં ભૂગર્ભ કોલસાનું ઉત્પાદન વર્તમાન 25-30 કરોડ ટનથી વધારીને 100 કરોડ ટન કરવાનું છે.
About the Author
