કોંગ્રેસનો સૂરજ પૂર્વમાં પણ ન ઊગ્યો. ગુરુવારે સવારે EVM ખૂલતાં જ સ્પષ્ટ થઈ ગયું-ત્રિપુરા, મેઘાલય અને નાગાલેન્ડમાં કોંગ્રેસ માટે કોઈ આશા નથી, નાગાલેન્ડમાં કોંગ્રેસ ઝીરો હતી, ઝીરો જ રહી. ત્રિપુરામાં 0થી 3 પર આવી ગઈ. મેઘાલયમાં 21થી 5 પર આવી. જ્યારે મોદીવાળી બીજેપી ત્રિપુરામાં બહુમતીના જોરે તો બાકી બંને રાજ્યમાં ગઠબંધનથી સરકાર બનાવવા જઈ રહી છે.
કોંગ્રેસની આ સ્થિતિ 2014 પછીથી સર્જાયેલી છે. ગણ્યાગાંઠ્યાં રાજ્યોને છોડીએ તો દેશની આ ગ્રાન્ડ ઓલ્ડ પાર્ટી ઝડપથી સમેટાઈ રહી છે. પાંચ રાજ્યમાં તો પાર્ટીના કોઈ ધારાસભ્ય બચ્યા નથી, જ્યારે 9 રાજ્યમાં 10થી ઓછા ધારાસભ્યો છે. છેલ્લાં 8 વર્ષમાં કોંગ્રેસી ધારાસભ્યોની સંખ્યા 24%થી ઘટીને 16% જ રહી ગઈ છે.
1951માં તામિલનાડુને છોડીને તમામ રાજ્યોમાં સરકાર બનાવનારી કોંગ્રેસના હવે માત્ર 3 રાજ્યમાં CM બચ્યા છે.
About the Author
