મનીષ સિસોદિયાને રાઉઝ એવન્યુ કોર્ટમાં રજૂ કર્યા હતા
કથિત દારૂ કૌભાંડમાં આજે કોર્ટમાં મનીષ સિસોદિયાની જામીન અરજી પર સુનાવણી થઇ હતી. જેમાં EDએ પૂર્વ નાયબ મુખ્યમંત્રીના 10 દિવસના રિમાન્ડની માંગણી કરી હતી. જેમાં કોર્ટે 7 દિવસના ED રિમાન્ડ મંજૂર કર્યા છે
EDએ સિસોદિયાના 10 દિવસના રિમાન્ડની માંગણી કરી હતી
એન્ફોર્સમેન્ટ ડિરેક્ટોરેટ (ઈડી)એ આપ નેતા મનીષ સિસોદિયાને રાઉઝ એવન્યુ કોર્ટમાં રજૂ કર્યા હતા. આ દરમિયાન EDએ સિસોદિયાના 10 દિવસના રિમાન્ડની માંગણી કરી હતી. ઇડીએ સુનાવણી દરમિયાન દાવો કર્યો હતો કે એક્સાઇઝ પોલિસી તૈયાર કરવા પાછળ એક ષડયંત્ર હતું. લીકર પોલિસીમાં નિયમોમાં ફેરફાર કરીને કેટલાક ખાસ લોકોને 6%ના બદલે 12% લાભ આપવામાં આવ્યો. સિસોદિયાની પૂછપરછ માટે રિમાન્ડ જરૂરી છે. ઇડીએ કોર્ટને જણાવ્યું કે મનીષ સિસોદિયા અને કે.કવિતા સંપર્કમાં હતા.
EDએ કોર્ટમાં દાવો કર્યો કે, આ પોલિસીથી દક્ષિણ ભારતની કંપનીઓને ફાયદો થયો
EDએ કોર્ટમાં દાવો કર્યો કે, આ પોલિસીથી દક્ષિણ ભારતની કંપનીઓને ફાયદો થયો. મોટા ઉદ્યોગપતિઓને ફાયદો થયો. સિસોદિયાના કહેવા પર દારૂની નીતિના નિયમોમાં ફેરફાર કરવામાં આવ્યા હતા. ગેરકાયદેસર કમાણી માટે વ્યવસ્થા ઉભી કરવામાં આવી હતી. જથ્થાબંધ વેપારનો હિસ્સો ખાસ લોકોને આપવામાં આવતો હતો. 6% ને બદલે 12% માર્જિન આપવામાં આવ્યું હતું. ડિજિટલ પુરાવા પણ નષ્ટ કરી દેવાયા.
EDએ કહ્યું સિસોદિયા 12 ટકા માર્જિનના પ્રશ્ન પર ખોટો જવાબ આપી રહ્યા હતા
EDએ કહ્યું સિસોદિયા 12 ટકા માર્જિનના પ્રશ્ન પર ખોટો જવાબ આપી રહ્યા હતા. આ કૌભાંડમાં રૂ.219 કરોડનું ટ્રેલ પકડાયું છે. અમારે સમગ્ર મોડસ ઓપરેન્ડીની તપાસ કરવાની અને અન્ય આરોપીઓની પૂછપરછ કરવાની જરૂર છે. આથી 10 દિવસના રિમાન્ડની માંગણી કરવામાં આવી છે. સીબીઆઈ દ્વારા મનીષ સિસોદિયાની ધરપકડના કેસમાં જામીન પરની સુનાવણી હવે 21 માર્ચ સુધી ટાળી દેવામાં આવી છે. તે જ સમયે, ઈડીના રિમાન્ડને લઈને કોર્ટમાં સુનાવણી પણ પૂર્ણ થઈ ગઈ હતી. ન્યાયાધીશો તેમની ચેમ્બરમાં પાછા ફર્યા છે. જજ ટૂંક સમયમાં 10 દિવસની કસ્ટડી અંગે આદેશ આપી શકે છે. ઈડીએ 57 પાનાની રિમાન્ડ કોપી કોર્ટને સોંપી છે.
એક આરોપી માટે ત્રણ વકીલ રાખવાનો અર્થ શું છે : ED
EDનું કહેવું છે કે એક આરોપી માટે ત્રણ વરિષ્ઠ વકીલોને સમાન દલીલ આપવાનો શું અર્થ છે. ઈડીએ કોર્ટ પાસે સિસોદિયાના 10 દિવસના રિમાન્ડની માંગણી કરી છે. એજન્સીએ કહ્યું કે સિસોદિયાનો સામનો ઘણા લોકો સાથે થશે. એજન્સીએ કહ્યું કે સિસોદિયાએ ઘણા ઉદ્યોગપતિઓને ફાયદો કરાવ્યો છે. ઈડીએ કહ્યું કે સિસોદિયાએ ડિજિટલ પુરાવાનો નાશ કર્યો. સિસોદિયા આ કેસમાં પૂછપરછ દરમિયાન ખોટી માહિતી આપી રહ્યા છે. તે જ સમયે, ત્રણેય વકીલોની દલીલો પૂર્ણ થયા પછી, ઈડી આ દલીલો પર પોતાનું વલણ સ્પષ્ટ કરશે. તે કોર્ટને જણાવશે કે આ દલીલો કેટલી સાચી કે ખોટી છે.
8 કલાકની પૂછપરછ બાદ ઈડીએ ગુરુવારે તેમની ધરપકડ કરી હતી
સીબીઆઈએ મનીષ સિસોદિયાની 26 ફેબ્રુઆરીએ દિલ્હીની લીકર પોલિસીમાં કથિત કૌભાંડના સંબંધમાં ધરપકડ કરી હતી. 7 દિવસની સીબીઆઈ કસ્ટડી બાદ રાઉઝ એવન્યુ કોર્ટે તેમને 20 માર્ચ સુધી ન્યાયિક કસ્ટડીમાં મોકલી દીધા હતા. ઇડીએ તિહાર જેલમાં સિસોદિયાની પણ પૂછપરછ કરી હતી. લગભગ 8 કલાકની પૂછપરછ બાદ ઈડીએ ગુરુવારે તેમની ધરપકડ કરી હતી.
About the Author
