દક્ષિણ ગુજરાત સહકાર પરિવાર દ્વારા આયોજિત કાર્યક્રમમાં સહકારી ક્ષેત્રના અગ્રણી આગેવાન અને માનનીય શ્રી દિલીપભાઈ સંઘાણી સાહેબની International Cooperative Alliance (ICA)માં ડિરેક્ટર તરીકે નિમણૂક થવા બદલ તેમનું સન્માન કરવામાં આવ્યું હતું.
આ પ્રસંગે મલ્ટી સ્ટેટ શિડ્યુલ્ડ કો-ઓપરેટિવ બેંકનો દરજ્જો ધરાવતી ધી વરાછા કો-ઓપ. બેંક લિ., સુરત વતી બેંકના ચેરમેનશ્રી નરેન્દ્રભાઈ કુકડીયા, વાઈસ ચેરમેનશ્રી રાજેન્દ્રભાઈ બાંભરોલીયા, બોર્ડ ઓફ મેનેજમેન્ટના ચેરમેનશ્રી દિનેશભાઈ નાવડિયા તથા બેંકના ડિરેક્ટરશ્રી બીપીનભાઈ વિરાણી, ડિરેક્ટરશ્રી હરિભાઈ કથીરીયા, ડિરેક્ટરશ્રી ભદ્રેશભાઈ લાખાણી, ડિરેક્ટરશ્રી વલ્લભભાઈ ચોથાણી, કો-ઓપ્ટ ડિરેક્ટરશ્રી CA શૈલેષભાઈ લાખણકિયા અને કો-ઓપ્ટ ડિરેક્ટરશ્રી CA સંજયભાઈ શેલડિયા સાથે બોર્ડ ઓફ મેનેજમેન્ટના સભ્યશ્રી બાબુભાઈ વીડિયા, સભ્યશ્રી છગનભાઈ અસલાલીયા તેમજ સભ્યશ્રી CS કિરણભાઈ ધાનાણી દ્વારા માનનીય શ્રી દિલીપભાઈ સંઘાણી સાહેબનું શાલ, મોમેન્ટો પુષ્પગુચ્છ અને પુસ્તક સાથે સન્માન કરી અભિવાદન કરવામાં આવ્યું હતું.
શ્રી દિલીપભાઈ સંઘાણી સાહેબની આંતરરાષ્ટ્રીય સહકારી પરિષદમાં ડિરેક્ટર તરીકેની નિમણૂક એ ભારતીય સહકારી ક્ષેત્ર માટે ગૌરવની બાબત છે. તેમની આ નિમણૂકથી આંતરરાષ્ટ્રીય સ્તરે ભારતીય સહકારી ક્ષેત્રનું પ્રતિનિધિત્વ વધુ મજબૂત બનશે અને સહકાર ક્ષેત્રના વિકાસને નવી દિશા મળશે તેવી આશા વ્યક્ત કરવામાં આવી હતી.
આ કાર્યક્રમમાં દક્ષિણ ગુજરાત સહિત સહકારી ક્ષેત્રના અનેક આગેવાનો, પ્રતિનિધિઓ અને મહાનુભાવો બહોળી સંખ્યામાં ઉપસ્થિત રહ્યા હતા. સમગ્ર કાર્યક્રમ સહકારભાવના, પરસ્પર સંવાદ અને સહકારી ક્ષેત્રની પ્રગતિ પ્રત્યેની પ્રતિબદ્ધતાને ઉજાગર કરનાર રહ્યો હતો.
About the Author
