Rainfall in Gujarat: રાજ્યના સૌરાષ્ટ્રમાં (rain in Saurashtra) સાંબેલાધાર વરસાદ વરસતા ક્યાંક ખુશીનાં તો ક્યાંક તારાજીના (Saurashtra weather) દ્રશ્યો સર્જાયા હતા. ગત 24 કલાકમાં રાજ્યનાં (Guajrat rain) 192 તાલુકામાં વરસાદ વરસ્યો છે. 20 તાલુકામાં 4 ઇંચથી વધુ વરસાદ તો સૌથી વધુ રાજકોટના લોધિકામાં (lodhika rainfall) 20.5 ઇંચ વરસાદ ખાબક્યો છે. જ્યારે જામનગરના કાલાવાડમાં 15.5 ઇંચ અનરાધાર વરસાદ વરસ્યો છે. આ સાથે 83 તાલુકામાં 1 ઇંચ કે તેથી વધુ વરસાદ વરસ્યો હતો. આ સ્થિતિમાં સૌરાષ્ટ્રમાં આજે રેડ અલર્ટ (Red alert in Saurashtra) આપવામાં આવ્યું છે.
હવામાન વિભાગના ડાયરેક્ટર મનોરમા મોહંતીએ જણાવ્યા પ્રમાણે, આજે 24 કલાકમાં જૂનાગઢ, રાજકોટ, જામનગરમાં અતિભારે વરસાદની આગાહી છે અને રેડ એલર્ટ છે. દેવભૂમિ અને દ્વારકા, પોરબંદરમાં અતિભારે વરસાદની સંભાવના છે. આ ઉપરાંત ગીરસોમનાથ અને અમરેલીમાં ભારેથી અતિભારે વરસાદની સંભાવના છે. જામનગર-રાજકોટ-જૂનાગઢમાં ભારેથી અતિભારે વરસાદની સંભાવના છે.
લોધિકા તાલુકામાં આવેલ લોધિકડી ડેમનો પારો તૂટતા ડેમ ખાલી થયો હતો અને આજુબાજુના ખેતરો ધોવાયા હતા. જેને પગલે લોધિકાથી ગોંડલ જવાનો રસ્તો પણ ધોવાઈ ગયો અને કોઝવે તૂટતા વાહનવ્યવહાર બંધ થયો હતો. આ ઉપરાંત PGVCLની લાઈન તૂટતા તેના રીપેરીંગનું કામ શરૂ કરવામાં આવ્યું હતું. રાજકોટમાં 16 ઇંચ, વિસાવદરમાં 16 ઇંચ વરસાદ પડ્યો હતો. રાજકોટના કાલાવાડ અને જામજોધપુરમાં બે જુદી-જુદી ઘટનાઓમાં એક મહિલા સહિત 3 લોકો તણાયા હતા.ઉલ્લેખનીય છે કે રાજકોટ – લોધિકા તાલુકાને જોડતો રસ્તો ધોધમાર વરસાદમાં ધોવાઈ ગયો છે. જ્યાં પાળ ગામમાં 17 ઇંચ કરતા વધુ વરસાદ પડતાં તારાજીના દ્રશ્યો સામે આવ્યા છે. અનેક વીજ પોલ ધરાશાયી થયા છે. તળાવ તૂટતા લોધિકા-થોરડી રોડ બંધ થયો છે. ભારે વરસાદના કારણે લોધિકા તાલુકાના કોઠા પીપરીયા ગામમાં પણ મોટા પ્રમાણમાં નુકસાન થયું છે.
About the Author
