ચૂંટણી રેલીમાં લાલુ યાદવે ન માત્ર તેમના પ્રખર હરીફ નીતિશ કુમાર પર નિશાન સાધ્યું પરંતુ ભાજપ પર પણ જોરદાર નિશાન સાધ્યું હતુ. નીતીશ કુમારનાં ગોળીવાળા નિવેદન પર લાલુએ પલટવાર કર્યો હતો.
રાષ્ટ્રીય જનતા દળ (RJD)નાં રાષ્ટ્રીય અધ્યક્ષ લાલુ પ્રસાદ યાદવે છ વર્ષ બાદ બુધવારે ચૂંટણી રેલીને સંબોધિત કરી. લાલુ બિહારની બે વિધાનસભા બેઠક તારાપુર અને કુશેશ્વરસ્થાનની પેટાચૂંટણી માટે પ્રચાર કરી રહ્યા છે. ચૂંટણી રેલીમાં લાલુ યાદવે ન માત્ર તેમના પ્રખર હરીફ નીતિશ કુમાર પર નિશાન સાધ્યું પરંતુ ભાજપ પર પણ જોરદાર નિશાન સાધ્યું હતુ.
આપને જણાવી દઇએ કે, નીતીશ કુમારનાં ગોળીવાળા નિવેદન પર લાલુએ પલટવાર કર્યો હતો. તેઓએ કહ્યું, ‘અમે તમને કેમ ગોળી મારીશું, તમે જાતે જ મરી જશો.’ લાલુએ કહ્યું કે નીતીશ કોઈનાં નથી, તેમને ડર છે અને તેઓ પોતે જ મરી જશે. જણાવી દઇએ કે, એક દિવસ પહેલા નીતિશ કુમારે કહ્યું હતું કે લાલુજી ઈચ્છે તો અમને ગોળી મારાવી દે. જો કે, નીતીશ કુમાર લાલુ યાદવનાં વિસર્જનનાં નિવેદન પર પ્રતિક્રિયા આપી રહ્યા હતા, જેમાં RJD અધ્યક્ષે કહ્યું હતું કે તેઓ (નીતીશ) તેમનુ વિસર્જન કરવા આવ્યા છે. ભીડને વોટ કરવાની અપીલ કરતા લાલુ યાદવે કહ્યું, ‘ગોલી ચલે કે ગોલા, જીતેગા હમારા ભોલા, મતલબ RJD નાં ઉમેદવાર અરુણ સાહ’. તેમણે કહ્યું કે, “અમે નીતીશને મુખ્યમંત્રી બનાવ્યા હતા પરંતુ તેઓ ભાજપનાં ખોળામાં બેસી ગયા. તેઓ કહેતા હતા કે જે બિહારને વિશેષ દરજ્જો આપશે તે તેમની સાથે જશે, તો વિશેષ દરજ્જો કેમ નહીં અપાવતા.” કેન્દ્રની નરેન્દ્ર મોદી સરકાર પર નિશાન સાધતા લાલુ યાદવે કહ્યું કે, મોદી સરકાર દેશનું બધું જ વેચી રહી છે. રેલ, જહાજો બધું વેચી દીધું. તેમણે કહ્યું કે આગામી સમયમાં અદાણી પણ પ્લેટફોર્મ પર ચઢવા માટે પાંચ હજાર રૂપિયા લેશે. તેમણે કહ્યું કે, તેમણે રેલ્વે મંત્રી રહીને એક રૂપિયો પણ નથી વધાર્યો, પરંતુ મોદી સરકારમાં દરરોજ ભાડું વધી રહ્યું છે. ટ્રેનમાં બેડશીટ કે પાણી નથી. તેમણે કહ્યું કે રેલ્વેની જર્સી ગાય હતી પરંતુ આ લોકોએ તેને પણ વેચી દીધી. RJD અધ્યક્ષે કહ્યું કે, તેમણે રેલ્વેને 50 હજાર કરોડની વધારાની આવક આપી છે.
हमने कहा कि नीतीश कुमार की सरकार का विसर्जन हो रहा है, नीतीश बोलते हैं कि हमें गोली मार दे। हम क्यों तुम्हें गोली मारेंगे तुम खुद मर जाओगे: तारापुर में आयोजित रैली में राजद प्रमुख लालू प्रसाद यादव pic.twitter.com/aUxmBQmsWq
— ANI_HindiNews (@AHindinews) October 27, 2021
About the Author
