વલસાડ :- વિજય યાદવ ( વલસાડ પ્રતિનિધિ )
વલસાડ પોલીસ અધિક્ષક ડો.રાજદિપસિંહ ઝાલા ના માર્ગદર્શન મુજબ નાસતા ફરતા આરોપીઓને ઝડપી પાડવા માટે વલસાડ પોલીસ દ્વારા ડ્રાઇવ રાખવામાં આવ્યું હતું જે અંતર્ગત 19 જાન્યુઆરી ના રોજ વલસાડ સીટી પોલીસ સ્ટેશનના પોલીસ કોન્સ્ટેબલ રાજકુમાર કરૂણાશંકરને બાતમી મળી હતી કે ૧૧ વર્ષથી છેતરપીંડી, ઠગાઇના ગુનામાં નાસતો ફરતો આરોપી મહમદસલીમ યુસુફભાઇ શેખ રહે મીશન કોલોની સિરાજ ડેરીની પાછળ વલસાડ પત્નીના અંતિમક્રિયામાં આવવાનો છે જે બાતમીના આધારે પોલીસે
શંકાસ્પદ સ્થળો પર વોચ ગોઠવી બાઝ નજર રાખી આરોપીને ઝડપી પાડ્યો હતો
પ્રાપ્ત માહિતી અનુસાર ( ૧ ) મહમદ સલીમ યુસુફભાઇ શેખ તથા તેના પુત્રો ( ૨ ) ઇરફાન સલીમ શેખ તથા ( ૩ ) ઇમરાન સલીમ શેખ ત્રણ જણા ભેગા મળી વલસાડ ખાતે મારીયા કન્સલ્ટન્સી નામની ઓફીસ ખોલી ફરીયાદી તથા બીજા માણસોને વિદેશમાં મલેશીયા તથા સીંગાપોર , ન્યુઝીલેન્ડમાં સારી નોકરી તથા સારો પગાર અપાવવાની લોભામણી વાતો કરી વિશ્વાસ આપી તેઓ પાસેથી જુદી જુદી રકમો પડાવી લીધા હતા વિદેશમાં નોકરી નહીં મળે તો રૂપિયા પાછા અપીદેવાની બાંહેધરી આપતા હોવાને કારણે વિસ્તારના અનેક લોકો વિદેશ જવાની લાલચમાં રૂપિયા આપી ભેરવાયા હતા ચીટર પિતા અને પુત્રો અનેક લોકો સાથે છેતરપિંડી કરી હતી ઠગાઇનો ભોગ બનેલ કેટલાક લોકોએ પૈસા પાછા માંગતા પિતા અને પુત્રોએ રૂપિયા પરત માગનારને માર મારી ધમકી આપી દબાવવાનો પ્રયાસ કર્યો હતો જે બાબતે તા .૨૦ / ૦૪ / ૨૦૧૦ માં ગુનો નોંધાયો હતો આ ગુનાની તપાસ દરમ્યાન અગાઉ આરોપી ઇરફાન સલીમભાઇ ઝડપાઇ ગયો હતો જ્યારે મહમદસલીમ યુસુફભાઇ શેખ તથા ઇમરાન સલીમભાઇ શેખ ફરાર થઇ ગયા હતા અને પોલીસના ચોપડે છેલ્લા ૧૧ વર્ષથી નાસતા ફરતા હતા તા.૧૯ / ૦૧ / ૨૦૨૨ ના રોજ મહમદસલીમ યુસુફભાઇ શેખના પત્નિનું અવસાન થતા તે પોતાની પત્નિની અંતીમ ક્રિયામાં આવનાર હોવાની પોલીસને બાતમી મળી હતી બાતમીના આધારે પોલીસે વલસાડ સીટીમાં જુદી જુદી જગ્યાઓએ વોચ ગોઠવી હતી અને પત્નીની અંતિમ ક્રિયામાં આવેલ આરોપીને તેના ઘર પાસેથી ઝડપી પડ્યો હતો . આરોપીને કોવીડ -૧૯ ના ચેકઅપ માટે મોકલવામાં આવેલ છે . જે રીપોર્ટ આવ્યાબાદ પોલીસ આગળની કાર્યવાહી હાથ ધરસે
About the Author
