ભગવાન ગણપતિ વિધ્નહર્તા અને મંગળકર્તા કહેવાય છે. ગણેશજી વિધ્ન દૂર કરનારા અને દુઃખ હરીને સુખાકારી આપનારા દેવતા તરીકે પૂજાય છે. સાચી શ્રદ્ધાથી ભક્તિ કરતાં ભક્તોની તકલીફો, રોગ અને દરિદ્રતા ગણેશજી દૂર કરે છે. ગણપતિની પૂજા અને ઉપાસના કરવાથી સુખ-સમૃદ્ધિ પ્રાપ્ત થાય છે. આ વખતે ગણેશ ચતુર્થી પર મનોકામના અનુસાર ઉપાય કરવાથી બાપ્પાની વિશેષ કૃપા પ્રાપ્ત થશે. જાણો કયા ઉપાયો કરવા જોઈએ…
નકારાત્મક ઉર્જા દૂર થશે
યંત્ર શાસ્ત્રમાં ગણેશ યંત્રને ખૂબ જ ચમત્કારી ગણાવવામાં આવ્યું છે. આ વખતે ગણેશ ચતુર્થી પર ગણેશ યંત્રની સ્થાપના કરીને લાભ પ્રાપ્ત કરી શકો છો. આ યંત્ર ઘરમાં હશે તો કોઈપણ પ્રકારની ખરાબ શક્તિ અંદર પ્રવેશી નહીં શકે.
પરેશાનીઓથી દૂર રહેશો
જીવનમાં ખૂબ પરેશાની હોય અને એક બાદ એક સંકટ આવ્યા જ કરતા હોય તો ગણેશ ચતુર્થી પર હાથીને ઘાસ ખવડાવો અને ગણેશ મંદિરમાં જઈને પરેશાની દૂર કરવા માટે પ્રાર્થના કરો.
ધન સંબંધી સમસ્યા માટે
જો તમે લાંબા સમયથી નાણાંની તંગીનો સામનો કરતા હો તો ગણેશ ચતુર્થી લઈને અનંત ચૌદશ સુધી શુદ્ધ ઘી અને ગોળનો પ્રસાદ ચડાવો. ભગવાનને ધરાવ્યા બાદ ગોળ અને ઘી ગાયને ખવડાવી દો. આ ઉપાયથી આર્થિક સ્થિતિ સુધરશે અને રૂપિયા ટકશે.
પ્રમોશન થાય તેવું ઈચ્છતા હો તો
ગણેશ ચતુર્થીએ પીળા રંગની પ્રતિમા ઘરમાં સ્થાપિત કરો. ગણેશજીને હળદરની પાંચ ગાંઠ गणाधिपतये नम: મંત્રનો જાપ કરતાં કરતાં ચડાવો. ત્યાર બાદ 108 દૂર્વા (ધરો) પર પલાળેલી હળદર લગાવીને गजवकत्रम नमो नम: નો જાપ કરીને ચડાવો. આ ઉપાય સતત 10 દિવસ સુધી કરવાથી પ્રમોશન થવાની સંભાવના વધી જાય છે.
જલદી લગ્ન માટે
જો તમારા ઘરમાં વિવાહ યોગ્ય કોઈ યુવક કે યુવતીના લગ્ન ઘણા પ્રયત્નો બાદ ના થતા હોય તો તેમણે ભગવાન ગણેશને ગોળની 21 ગોળીઓ વાળીને દૂર્વા સાથે ચડાવવા જોઈએ. આ ઉપાયથી વિવાહના યોગ શીઘ્ર બને છે.
About the Author
