સુરતના પાંડેસરા ઈશ્વરનગર પાસે ફૂટપાથ પર ભાઈએ જ ભાઈના પેટમાં ચપ્પુ ઘુસાડી નાસી જતા ઇજાગ્રસ્ત ભાઈનું ટૂંકી સારવાર દરમિયાન સિવિલમાં મોત નીપજ્યું હતું. સોમવારની મોડી સાંજે બનેલી ઘટના બાદ સ્થાનિક લોકોએ 108ની મદદથી ઇજાગ્રસ્તને નવી સિવિલ હોસ્પિટલ સુધી પહોંચાડ્યો હતો.એટલું જ નહીં પણ પ્રેમ પ્રકરણમાં યુવાનની હત્યા કરવામાં આવી હોવાની વાત સામે આવી રહી છે.
પાંડેસરા પોલીસે જણાવ્યું હતું કે, ઘટના ઈશ્વરનગર પાસેના ફૂટપાથ ઉપર બની હતી. સોમવારની સાંજે અમરજીત શંભુ સહાની નામના 26 વર્ષીય યુવક પર ભાઈ અનિષ નિસાડ નામના યુવકે હુમલો કર્યો હતો. બન્ને વચ્ચેના ઝઘડામાં અમરજીતને પેટમાં ચપ્પુ ઘૂસાડી દેવાતા સ્થાનિક લોકોએ તાત્કાલિક 108ને જાણ કરી ઇજાગ્રસ્તને સિવિલ મોકલી દીધો હતો. જ્યાં અમરજીતને દાખલ કરી તાત્કાલિક ઓપરેશનમાં લેવાયો હતો.
સિવિલ હોસ્પિટલમાં અમરજીતનું વહેલી સવારે સાડા ચાર વાગ્યા સારવાર દરમિયાન મોત નીપજ્યું હોવાની જાણ બાદ પોલીસે તપાસ હાથ ધરી છે. હાલ અમરજીતનું કોઈ સગા સંબંધી મળી આવ્યું નથી. પોલીસે તમામ પ્રકારના પૂરાવા ભેગા કરી હત્યારાને શોધી રહી છે. અમરજીતનો હત્યારો નજીકનો સગા સંબંધી હોવાની ચર્ચા ચાલી રહી છે. પ્રેમ પ્રકરણમાં હત્યા કરી હોવાની આશંકા વ્યક્ત કરાઈ રહી છે. પાંડેસરા પોલીસે હત્યાનો ગુનો નોંધી વધુ તપાસ હાથ ધરી છે.
About the Author
