કતારગામની 37 વર્ષીય પરિણીતા પર બે જણાએ ગેંગરેપ કર્યો હતો. બે પૈકી એક પરિણીતાના પતિનો જ મિત્ર છે. તેણે બળાત્કારનો વીડિયો ઉતારી બ્લેકમેઇલ કરી રેપ કર્યો હતો. કતારગામમાં મદન (નામ બદલ્યું છે) પરિવાર સાથે રહે છે. પરિવારમાં 37 વર્ષીય પત્ની કામિની ( નામ બદલ્યું છે) અને બે સંતાન છે. મદન રત્ન કલાકાર છે.
માનસિંગનો મિત્ર પ્રકાશ ઉર્ફે પકો વોરા( રહે. રુક્મિણી સોસાયટી, બાપા સીતારામ ચોક) અવારનવાર આવતો હતો. પ્રકાશે કામિની ને કહ્યું હતું કે તેના પતિના બીજી યુવતીઓ સાથે આડાસંબંધ છે. કામિનીએ કહ્યું હતું કે તેં ખોટું બોલે છે. ત્યારે પ્રકાશે કહ્યું, મારી પાસે પુરાવા છે. તેણે પુરાવા લેવા માટે પ્રકાશે કામિનીને પીપલોદ બોલાવી હતી. કામિની પીપલોદમાં એમ સુરેશ એન્ડ કંપનીના ફાર્મ હાઉસમાં ગઈ હતી. ત્યાં કામિની અને પ્રકાશ સિવાય કોઈ ન હતું. ત્યાં કામિનીએ પુરાવા માગતાં પ્રકાશે કામિની પર બળાત્કાર ગુજાર્યો હતો.
કામિનીએ પુરાવા માગતાં પ્રકાશે આપ્યા ન હતા. ત્યારે પ્રકાશે કામિનીને ધમકી આપી કે જો કોઈને વાત કરશે તો બદનામ કરી નાખશે. ત્યાર બાદ થોડા દિવસમાં પ્રકાશે કામિનીને કતારગામમાં નારાયણનગરમાં આવેલા મિત્ર રમેશના ગોડાઉન પર બોલાવી, ત્યાં બંનેએ બળાત્કાર કર્યો હતો, જેથી પ્રકાશ અને રમેશ વિરુદ્ધ રેપની ફરિયાદ નોંધાવી છે.
આરોપીએ કહ્યું, તારા થકી પુત્રનો પિતા બનવું છે
પ્રકાશે પતિ વિરુદ્ધના પુરાવા શેઠના ફ્લેટ પર છે કહેતા કામિની ઇચ્છાપોર ખાતે પ્રકાશના શેઠના ફ્લેટ પર ગઈ હતી. ત્યાં પ્રકાશે કામિનીને કેફી પીણું પીવડાવી ફરી રેપ કર્યો હતો. કામિનીને હોંશ આવતાં પ્રકાશે કહ્યું, તેના થકી તે પુત્રનો પિતા બનવા માગે છે. પ્રકાશની વાત સાંભળી કામિની ચોંકી હતી. ત્યાર બાદ વારંવાર બ્લેકમેઇ કરતો હતો. તે વારંવાર કહેતો કે તેનાથી પુત્ર જોઈએ છે. હું જેમ કહું એમ ન કરે તો પ્રકાશે તેના પતિને બધી વાત કહેવાની તથા બળાત્કારનો વીડિયો બતાવવાની ધમકી આપી 80 હજાર પણ પડાવ્યા હતા.
