પિતા વિહોણી દીકરીઓના લગ્ન અને ત્યારબાદની સંપૂર્ણ જવાબદારી ઉઠાવતાં પી.પી.સવાણી પરિવાર દ્વારા ચોથી અને પાંચમી ડિસેમ્બરના રોજ ચૂંદડી મહિયરની નામે પરિણય સમારોહનું આયોજન કરવામાં આવ્યું છે. સુરતના અબ્રામા ખાતે યોજાનારા આ સમૂહ લગ્નમાં હિન્દુ, મુસ્લિમ, શીખ અને ઈસાઈ ધર્મની 300 દીકરીઓ તેમના ધર્મ-વિધિ પ્રમાણે પ્રભુતામાં પગલાં પાડશે.બે દિવસના આ ભવ્ય લગ્ન સમારોહમાં કોવિડની ગાઈડલાઈન પ્રમાણે મર્યાદિત લોકોની હાજરી સાથે બે દિવસમાં સવાર સાંજ એમ ચાર તબક્કામાં લગ્નનું આયોજન કરવામાં આવ્યું છે. પિતા વિહોણી દીકરીઓના કન્યાદાન સામાજિક અગ્રણીઓની સાથે સાથે કોવિડ-19માં કામગીરી કરનારના હસ્તે કરવામાં આવશે. આ વર્ષે 300 દીકરીઓ પૈકીની 103 દીકરીઓ એવી છે કે, જેને પિતા અને માતા કે મોટાભાઈ એવો કોઈ આશરો નથી. એવી દીકરીઓનું કન્યાદાન મહાનુભાવોના હસ્તે થશે. જયારે આજેથી પરિણય સમારોહના વિવિધ કાર્યક્રમની શરૂઆત થઇ ગઈ છે.
અબ્રામા રોડ પર આવેલ પી.પી. સવાણી ચૈતન્ય વિદ્યા સંકુલ ગ્રાઉન્ડની સામે ગોપીન રીવર વિલે ખાતે પરિણય સમારોહના પ્રથમ કાર્યક્રમનું આયોજન આજે કરવામાં આવ્યું હતું. આજે મહેંદી રસમ યોજાઈ હતી. આ સમૂહ લગ્નમાં હિન્દુ, મુસ્લિમ, શીખ અને ઈસાઈ ધર્મની 300 દીકરીઓ કે જે આગામી ચોથી અને પાંચમી તારીખે ધર્મ-વિધિ પ્રમાણે પ્રભુતામાં પગલાં પાડશે. તે તમામ દીકરીઓની આજે મહેંદી રસમ યોજાઈ હતી. જે તમામ દિકરીઓના હાથમાં એક સાથે મહેંદી મુકવામાં આવી હતી. આ પ્રસંગે તમામ દિકરીઓના પરિજનોની સાથે મહાનુભાવો હાજર રહ્યા હતા. આ જ પ્રકારની મહેન્દરી રસમને ગ્ગીનીસ બુક ઓફ વર્લ્ડ રેકોર્ડમાં સ્થાન મળ્યું હતું.
https://chat.whatsapp.com/5SWExmTSQZFFZZKrhp7HF2
વોટ્સએપ ગ્રુપમાં ન્યુઝ અપડેટ મેળવવા માટે ☝🏻 ઉપરની લિંક ક્લીક કરો.અને જોડાવ ગ્રુપ માં
અપડૅટૅડ રહેવા માંગતા તમારા મિત્રો, ફેમીલી મેમ્બર્સ, સહકર્મીઓને આ લિંક ફોરવર્ડ કરો જેથી તેઓ પણ અપડેટેડ રહી શકે.
વિગતપૂર્વક અને વેરીફાય કરીને સમાચારો આપવા માટૅ રિઅલ નેટવર્ક ટીમ કટિબધ્ધ છે.
Team Real Network
About the Author
