ગુજરાતની અગ્રણી સહકારી બેંક ધી વરાછા કો-ઓપ. બેંક લિ., સુરતની રીંગરોડ શાખાનો ૨૮મી સપ્ટેમ્બર, ૨૦૨૫ રવિવારનાં રોજ સ્થળાંતર કરી નવા સ્થળે મંગલ શુભારંભ થયો છે. સુરત શહેરના ટેકસટાઇલ વેપારી મિત્રો અને સ્થાનિક લોકોને ઝડપી બેન્કિંગ સેવાનો લાભ મળી શકે તે હેતુથી રીંગરોડના લિજેન્ડ ટેકસટાઈલ માર્કેટમાં સુરત શહેરના માનનીય સાંસદશ્રી મુકેશભાઈ દલાલ નાં વરદ હસ્તે શાખાનું શુભ ઉદ્ઘાટન કરવામાં આવ્યું હતું
.
મલ્ટી સ્ટેટ બેંકના દરજ્જા સાથે વરાછા બેંકે ૩૦ વર્ષમાં ૨૮ શાખાઓ અને રૂપિયા ૬૦૦૦ કરોડથી વધુના બિઝનેસ સાથે નક્કર પ્રગતિ કરી છે. જેને ઉદ્ઘાટક માનનીય સાંસદશ્રી મુકેશભાઈ દલાલ એ બિરદાવી હતી અને વરાછા બેંક હજુ ઉત્તરોતર પ્રગતિ કરે તેવી શુભેચ્છા બેંકના હોદ્દેદારશ્રીઓને પાઠવી હતી. શુભારંભમાં મુખ્ય મહેમાનશ્રી તરીકે ફેડરેશન ઓફ સુરત ટેક્સટાઇલ ટ્રેડર્સ એસોસિએશન (FOSTTA) નાં ચેરમેનશ્રી કૈલાશભાઈ હાકીમની ઉપસ્થિતિમાં દીપ પ્રાગટ્ય કરીને બેન્કિંગ સેવાનો પ્રારંભ કર્યો હતો.
ટેકસટાઈલ ક્ષેત્રના લોકોને વ્યાજબી દરે લોન મળી રહે તે માટે બેંક દ્વારા કેપિટલ લોન તેમજ CC/OD અને મશીનરી લોનની સરળ અને ઝડપી લોન સુવિધા અમલમાં મૂકવામાં આવી છે. વેપારીઓ અને ઉદ્યોગપતિઓને મદદરૂપ થવા કીંમતી ચીજ વસ્તુ ની સુરક્ષા માટે અત્યંત આધુનિક સિક્યુરિટી સાથેની લોકર સુવિધા પણ ઉપલબ્ધ કરવામાં આવી છે.
બેંકના ચેરમેનશ્રી ભવાનભાઈ નવાપરા એ જણાવ્યું હતું કે, સુરત રીંગરોડ વિસ્તારમાં લિજેન્ડ ટેકસટાઈલ માર્કેટ ખાતે રીંગરોડ શાખા થકી લોકોને સરળતાથી બેન્કિંગ સેવા મળી રહે તેવા હેતુ થી શાખાનું સ્થળાંતર કરવામાં આવ્યું છે. રીંગરોડ વિસ્તારના ટેકસટાઈલ ઉદ્યોગ સાથે સંકળાયેલા વેપારીઓ તેમજ સ્થાનિક લોકોને સ્મિત સાથે ઝડપી બેન્કિંગ સેવા આપવા અમો કટિબદ્ધ છીએ. બેંકના બોર્ડ ઓફ મેનેજમેન્ટનાં ચેરમેનશ્રી કાનજીભાઈ ભાલાળાએ જણાવ્યું હતું કે, રીંગરોડ શાખાના ખાતેદારોને ડિજિટલ બેન્કિંગ સેવાની સાથે સાથે વીમા સેવા અને મ્યુચ્યુઅલ ફંડની સેવા પણ મળી રહેશે.
શાખા શુભારંભ પ્રસંગે વરાછા બેંકનાં વાઈસ ચેરમેનશ્રી જી. આર. આસોદરિયા તેમજ બોર્ડ ઓફ ડિરેક્ટરશ્રી નરેન્દ્રભાઈ કુકડીયા, ડિરેક્ટરશ્રી પ્રભુદાસભાઈ પટેલ, ડિરેક્ટરશ્રી કાંતિભાઈ મારકણા, ડિરેક્ટર શ્રીમતી વિમળાબેન વાઘાણી, ડિરેકટર શ્રીમતી શારદાબેન લાઠીયા તેમજ બોર્ડ ઓફ મેનેજમેન્ટનાં સભ્યશ્રી દિલીપભાઈ વરસાણી તેમજ રીંગરોડ વિસ્તારના ટેકસટાઈલ ક્ષેત્રના અગ્રણીઓ સવિશેષ ઉપસ્થિત રહ્યા હતા. આ શુભ પ્રસંગે બેંકના જનરલ મેનેજરશ્રી વિઠ્ઠલભાઈ ધાનાણી દ્વારા માનનીય સાંસદશ્રી તેમજ તમામ મહેમાનોને સ્વાગત પ્રવચન કરી શબ્દોથી આવકાર્યા હતા. વધુમાં જણાવ્યું હતું કે, તેહવારો નિમિતે વરાછા બેંકે માત્ર ૮.૨૫% ના વ્યાજદર પર ફેસ્ટિવલ કાર લોન યોજના લાગુ કરી છે જેમાં શૂન્ય પ્રોસેસિંગ ફી, શૂન્ય પ્રી પેમેન્ટ ચાર્જીસ અને નો ગેરેન્ટર જેવી સુવિધાઓ મળશે જે વેપારીઓને આ દિવાળી પર પોતાની મન પસંદ કાર ખરીદવા મદદ રૂપ થશે. અંતે બેંકના ડેપ્યુટી જનરલ મેનેજરશ્રી સુરેશભાઈ કાકડીયા દ્વારા આભાર વિધિ કરી ઉપસ્થિત તમામનો આભાર વ્યક્ત કર્યો હતો…
About the Author
